Þvottahúsið#87 Guðmundur Arngríms klagar sveitta kúreka
Nýjasti gestur bræðrana Gunnars og Davíðs Wiium í hlaðvarpsþættinum Þvottahúsið er engin annar en Guðmundur Hrafn Arngrímsson landslagsarkitekt og skipulagsfræðingur, helluhvíslari, möndluristari og formaður Samtaka leigjenda.Guðmundur sem sjálfur er á leigumarkaði hefur sett sig á bólakaf í þessi mál með aukinni eftir eftirspurn á einskonar regluverki utan um rétt leigutaka og rými leigusalans.Guðmundur nefnir í því samhengi þræl skipulagt og skilvirkt kerfi leigumála í öðrum löndum eins og Danmerku, Noregi, og Finnlandi svo eitthvað sé nefnt. Í raun í flestum nágrannalöndum, Evropulöndum er einskonar kerfi eða regluverk sem heldur utan um þessi mál og skilar fyrir vikið af sér heilbrigðum og vel funkerandi leigumarkaði bæði fyrir salan og takan.Guðmundur vill meina að á Íslandi ríkir hálfgerð kúrekastemning þar sem lög hvað varðar rými til hækkunar á leigu er gal opið til túlkunar leigusalanum í vil. Leiguverð hefur hækkað gríðarlega sem margir vilja meina að sé í engu samræmi við þróun í nágrannaríkjum sem og að forsendur hins frjálsa markaðar séu allt aðrar víða erlendis í þessum málum. Guðmundur talar um að hlutfall þeirra á leigumarkaði hafi hækkað gríðarlega síðustu ár og að við séum hægt og rólega að færa okkur meira og meira úr því að kaupa okkur fasteignir yfir í leigumarkaðinn sem hefur ekki upp á mikið að bjóða hér á Íslandi. Leigusalan er búin að færast úr höndum margra einkaaðila yfir í fjársterk fasteignafélög ýmis í einkaeigu eða í eigu hluthafa og þar geti félögin nánast stýrt sínum hækkunum sökum nauðar fólks á fasteignamarkaði. Lítið sem ekkert er til af eignum á almennri sölu og í því samhengi hefur fasteignarverð rokið upp úr öllu valdi síðustu ár og nánast ógjörningur er fyrir ungt fólk í dag að kaupa sér 2-3 herbergja íbúð nema að standa með minnst 15 milljóna króna útborgun sem fæstir hafa möguleika á að afla sér.Því fari fólk út á leigumarkað og með tímanum eftir því sem fólk eldist á leigumarkaði festist fólk þar og á sér enga möguleika á hvorki að kaupa sér íbúð né koma sér í örugga leigu þar sem afborganir eru í einhverju samræmi við hvað íbúðareigendur eru að borga oftast í afborganir á sínum húsnæðislánum. https://www.leigjendasamtokin.is