Æskudraugar - Kristinn

Í dag heyrum við í Kristni Snjólfssyni, 28 ára Blöndósingi. Kristinn á sögu sem er áhrifarík. Hann gerði sér snemma grein fyrir því að hann væri í mikilli áhættu á því að verða alkóhólisti. Hann var ekki nema rétt yfir tvítugt þegar hann ákvað að leita hjálpar. Hann fer yfir það með okkur hvernig einelti í skóla, ógreint ADHD og alkóhólismi inn á heimilinu mótuðu hann. Kristinn fer hér yfir sína sögu af því hvernig hann fer allur í prógramið til þess að halda í hugarró. Kristinn er einn af oss 🙏Guð gefi mér æðruleysi, til að sætta mig við það sem ég fæ ekki breytt,kjark til að breyta því sem ég get breytt, og vit til að greina þar á milli 🙏

Om Podcasten

Hugsunin á bak við þetta hlaðvarp ( Podcast ) er að ræða alkóhólismann og öllum þeim ólíku vinklum sem honum tengist. Sjálfur er ég alkóhólisti sem tók minn síðasta drykk árið 2009. Ég er alls ekki sérfræðingur um sjúkdóminn en ég þekki af eigin reynslu hversu öflugur og lævís þessi sjúkdómur er. Af þessari reynslu hef ég lært að þekkja muninn á góðum bata og slæmum bata. Í þessum þáttum sest ég niður með sjálfum mér og öðrum, spjalla um sjúkdóminn og allt það sem honum fylgir. Stóra markmiðið er að aðrir alkóhólistar/fíklar og aðstandendur finni hér einhverja tengingu sem gæti hjálpað.