Tilfinningaborgir, óendanlegt hús og það sem er

Það sem er, nefnist skáldsaga eftir danska rithöfundinn Peter Asmussen frá árinu 2012 en um þessar mundir er verið að setja hana upp sem einleik í Tjarnarbíói. Verkið er Berlínarperíóda frá 9. Áratugnum og segir frá Renötu sem virðist lifa nokkuð venjulegu lífi í Austur Berlín en undir yfirborði hversdagslegs fjölskyldulífs geymir hún leyndarmál. Melkorka Gunborg Briansdóttir ræðir í þættinum við þau Maríu Ellingsen leikara verksins og Ólaf Egil Egilsson leikstjóra. Í nýafstöðnu jólabókaflóði kom út ljóðabókin Næturborgir eftir skáldið Jakub Stachowiak. Hann kemur frá Póllandi en lærði íslensku fyrir nokkrum árum og stundar nú nám í ritlist við Háskóla Íslands. Næturborgir er hans fyrsta ljóðabók á íslensku en hann birti einnig ljóð í ritinu Pólífónía af erlendum uppruna sem kom út fyrir jól. Skáldsagan Piranesi eftir breska rithöfundinn Susanne Clarke hlaut í haust hin alþjóðlegu verðlaun kvenna fyrir skáldskap eða á enskunni Women's prize for Fiction. Bókin segir frá Piranesi, sem myndi þó ekki sjálfur kalla sig Piranesi, hann býr nánast einn, fyrir utan Hinn, í óendanlega stóru húsi sem hefur sitt eigið vistkerfi, á neðstu hæðinni er haf en þeirri efstu ský og veggina þekja óendanlega margar styttur. Rithöfundurinn María Elísabet Bragadóttir las bókina bókina nú á dögunum og segir frá skáldsögunni Piranesi. Umsjón: Tómas Ævar Ólafsson