Orð um lófa - og fingraljóð og um tímaferðalag um Reykjavík

Í þættinum segir Guðrún Hannesdóttir frá nýrri ljóðabók sinni Fingramál og les nokkur ljóð úr bókinni. Upptakan gerð í fögnuði í tilefni útgáfu bókarinnar í bókabúð pennans Eymundsson á Laugavegi 24. nóvember. Þá er í þættinum rætt við Hermann Stefánsson um nýja skáldsögu hans Millibilsmaður þar sem segir frá langafa Hermanns, lækninu og skipulagsmanninum Guðmundi Hannessyni, nefndur Jannes G. Jannesson í bókinni og þátttöku hans í bæjarlífi Reykjavíkur þegar fínasta dægradvölin er fundir með framliðnum, helsta deilumálið sambandið við Danmörku og samanburðarmælingar á líkömum fólks líklegasta aðferðin til að efla hreysti og heilsu þjóða. Umsjónarmaður: Jórunn Sigurðardóttir